吴卓羲被内地观众追问几时返无线拍剧 泳儿为病母频扑消瘦十几磅

吴卓羲被内地观众追问几时返无线拍剧

艺人吴卓羲因在无线而闯出名堂，虽然他最近离巢转战影圈，但不少观众仍然记住他在公仔箱演出的剧集。他出席活动时表示最近忙于在内地宣传：“当地有现场观众问我问几时返TVB拍剧？”

他即时要求观众返回主题，问有关宣传活动的问题，但其他观众仍然追问类似问题：“问我几时拍番《冲上云霄》！”非常搞笑,谈及在影圈的发展，他坦言好想有突破，而不久之后将与黄宗泽、苗侨伟和王敏德等为邵氏演出网剧《飞虎极战》。

洪卓立羡慕孙耀威旅行结婚：觉得好浪漫

歌手洪卓立（Ken）出席活动，提到母亲节如何庆祝？Ken坦言：“唉，好失礼，啱啱先知道呢个星期系母亲节，不过应该嗰日就唔使开工，都会例牌落同妈咪食餐饭。”Ken称哥哥去了旅行，母亲忙于帮手凑孙，已很少时间来见他。

记者笑言伯母将来都要帮他照顾BB？Ken即言：“吓…冇咁快，我哋（女朋友汤怡）仲计画紧6月去旅行为个网上频道拍片。（有赞助去拍？）希望有啦！今次可能会去日本或者台湾，因为日本仲有好多地方都未去，但去嘅日子好短。（会唔会好似孙耀威咁秘婚？）我好羡慕佢呀，因为觉得旅行结婚，或者喺其他地方结婚系好浪漫嘅，我哋都想，但应该就唔会住，今次工作系去拍嘢，我唔会拍低自己结婚或者求婚嘅片再公开嘅。”

泳儿为病母频扑消瘦十几磅

歌手泳儿出席活动，谈到母亲节将至，泳儿母亲中风多时一直住医院，不过，泳儿称因母亲已可以自己呼吸，所以今个星期可以出院入住疗养院，而过去一年母亲都在室内，现可以坐下轮椅出户外晒下太阳，如果之后进展再好些就可以回家休养。

泳儿更大赞及感激父亲很照顾母亲，每日不辞劳苦，由屋企到医院，为母亲转身及按摩，她开心是母亲仍是圆碌碌，没有瘦到，反而她和父亲都不自觉瘦了十多磅，泳儿表示：“自己唔觉，系啲同事话我瘦咗好多，自己之后都有去body check， 因为之前皮肤突然敏感，所以都有去做一个敏感测试，但最后结果系check唔到有食物敏感，所以都可能系压力嘅问题。”

完骚超感触！许志安：好享受喺台上面

歌手许志安与乐队Supper Moment（SM）、Dear Jane、RubberBand（RB）及触执毛到会展举行《21安士音乐会》，到尾声时众人向主办及赞助致谢，安仔坦言不知有否机会再开一次，这时蔡一杰到台前献花。安仔续说：“呢度冇下属，得同伴，好享受喺台上面，多谢另外20安士。”阿水＠触执毛表示多年前电台曾在红馆搞乐队骚，他们正在等待这件事再发生：“好可惜未有，希望大家永远记得今晚。”Sunny＠SM坦言想为乐坛带来多些音乐，所以和铁树兰带来重型音乐：“多啲种子，睇下20年后朵花点。”

Tim＠Dear Jane指每次彩排都很开心和兴奋：“今次真系搵到好特别嘅嘢，好唔舍得。”他停顿时有观众大叫唔好喊，阿水摸他胸口并说：“咁唔舍得不如再嚟一次？”Tim就大叫I love you。6号＠RB觉得与朋友在台上唱歌很幸福，又指Tim讲得好正：“大家搵番音乐同锺意嘅嘢，话畀人知香港有好嘅音乐同观众！”

安仔自言可以分享音乐及有大家支持很幸福，最后众人大合唱《幸福之歌》，再由小孩演唱数句《无尽》，演唱会圆满结束。

许廷铿赞A.Lin细心：阿哥拍拖我冇压力

歌手许廷铿（Alfred）为妈咪级歌唱比赛担任嘉宾，在台上献唱之馀分享参加歌唱比赛时的经验。受访时讲到参赛者，他笑言很享受，问到许妈妈爱唱歌？他谓妈咪常在家中哼唱，而自己在家中时只会在厕所唱歌，比较收敛，故当时参加《超级巨声》家人都是不知情,而Alfred今日刻意挑选了《记得忘记我》送给父母：“阿爸早排话如果我呢首歌可以唱翻原版咁就好，所以今日希望唱番呢首原汁原味嘅版本畀佢哋听。（当系母亲节礼物？）都系，但嗰日都会食饭，我唔系咁市侩。”

讲到胞兄许永铿与周秀娜前师妹A.Lin（裴殷）拍拖，Alfred表示知情，但不知二人拍了多久，Alfred见过A.Lin，赞她有心：“因为我同阿哥生日相差十日，我哋细个有张相系着横间衫兄弟装，所以今年生日佢送咗两件横间衫畀我同阿哥重现兄弟装，几窝心！”

问二人可有结婚计划？Alfred谓：“哗！唔知，系都谂自己先。（咁你有冇着落？）冇呀！由佢哋自然发展，唔希望传媒影响到佢哋。（有指A.Lin泊到好码头，将会淡出娱乐圈？）系咩？佢唔系淡出好耐喇咩？佢之前都去咗北京读书。”问父母可想饮新抱茶？他笑言：“佢哋依家重点摆咗喺BB（胞姐的B女）身上，应该可以玩一段时间。（你冇压力？）畀我做吓嘢先啦，想focus工作。”