96岁母亲入院！周润发话冇事：循例检查 霆锋想喺香港开骚

捉错用神！马浚伟以为周秀娜对佢放电

艺人马浚伟近日忙于拍摄无线新剧《宫心计2深宫计》，因为要黐头套关系，天生发线较密的他，自行将侧额两边头发剃掉少许，以免“穿崩”，搞到平日穿回时装便要戴帽作遮掩﹕“如果冇gel头嘅话，都系要笠返顶帽先冇咁奇怪，呢两日我都买多咗两顶帽，当系奬励吓自己啰。”

今次拍剧能够与旧雨新知如萧正楠、马国明及周秀娜等打成一片，马浚伟扬言合作相当愉快，且谓﹕“大家都会自动自觉‘万岁’，好似胡定欣会请食消夜、刘心悠会请大家食饼干咁，如果唔做运动嘅话，我分分钟变肥仔。我畀周秀娜笑死，事关有场戏讲佢电我嘅，佢一‘出手’全场尖叫，导演仲话收货，点知佢话﹕‘咩呀？头先我对眼干得滞，我眨眼咋喎。’呢个女仔真系好可爱。”

冇个大场点“反”？霆锋想喺香港开骚

艺人谢霆锋昨日现身机场，戴上黑超的他透露刚从北京工作回来，问到可会趁复活节与两个儿子庆祝？他谓：“过几日啦！其实我唔系咁庆祝复活节嘅人（你条弹结他片，最尾用脚熄mon好多网友畀like!）用唔用脚趾呢样嘢，我主要系唔想个结他掂到地下（网友同时话你由头chok到尾呢！）佢哋锺意乜就乜，我系唔想个咁罕有嘅结他碰到地下。”

对于开演唱会的计划，霆锋承诺会尽快，问到是否在港开骚？他谓：“未谂，我冇话唔想开，只系近年好多其他嘢做，同埋想搵个地方大家玩得开心啲，香港有个大球场又唔用，就不如喺嗰度啦！（抽唔到时间？）每个阶段都有唔同嘢做！”

96岁母亲入院！周润发话冇事：循例检查

国际影星周润发于昨日下午一时五十分步出养和医院，戴上黑超及Cap帽的他以一身行山Look现身。问探望谁？他说：“妈咪 （冇事吗？）冇事，循例身体检查。（之后去行山？）咁热，唔行啦，今朝行咗喇！”及后周润发友善地向记者道别，然后往停车场取车。

此时，一对刚诞下初新婴儿的夫妇认出周润发，第一时间要求selfie，在医院被捕获的周润发以一贯亲民作风，手拿相机自拍了多张照片，还对着初生婴儿说“小春鸡”，冧爆！

据悉，发妈陈丽芳已经96岁，一向身体很好，说话依然铿锵有力。周润发是出名孝顺仔，早前他接受访问时曾表白：“妈咪生你系佢最危险嘅时候，其实你生日系应该同妈咪去庆祝，唔应该你庆祝，幸运地你妈咪生咗你而佢冇死到，你应该同妈咪分享，唔应该妈咪拎个蛋糕叫你吹蜡烛，应该系你感谢妈咪，多谢你咁辛苦生咗我！”

古天乐自爆拍戏为只猫用尽片酬

艺人古天乐主演，陈木胜导演的合家欢电影在北京举行发布会，戏中演员古天乐、刘楚恬、黄星羱及陈木胜与“犀犀利”等，现身布置成“喵星人”主题乐园的场地，与媒体见面，场面温馨又有趣。

陈木胜与古天乐第六次合作，他直言制作费绝大部分都不是去了古仔口袋，他说：“记得与古仔合作时，他跟我说：“你可以拍喜剧！”，我也觉得平时很Cool的古仔，骨子里也充满笑料，是喜剧演员的材料！但这部戏的钱都花在喵星人‘犀犀利’身上，‘犀犀利’这样可爱，背后代价很大！一共动用了三家最好的特效公司，1000多个特效镜头，花了很多钱来制作！但‘喵’超所值，因为这只喵星人，一点也不麻烦，它会带给大家很多欢乐！

‘犀犀利’原本是位身材很好的‘喵星人战士’，只不过最后变得很胖。”古仔闻言搞笑的抢着说：“因为要照顾那么大一只猫，我所有的钱都给它买吃的了，结果吃到它这么胖。”

太可惜！邓健泓签新公司同女友分道扬镳

艺人邓健泓去年初约满无线后，近日正式落实加盟萧定一公司。原本新人事新展望，不过他却婉拒公司举行加盟记者会﹕“我份人比较低调，同埋觉得应该办咗实事先，做到嘢出嚟先同大家讲会好啲啰。”问到日后是否与女友石咏莉攞正牌合作，他即答﹕“咁又错喇，事关佢已经约满咗，嚟紧要加盟一间大型唱片公司，我哋继续分道扬镳。（签新公司有咩愿望？）都系想日后工作顺顺利利，作为艺人点都有间公司配合吓好啲嘅，况且阿一好好，佢答应咗以后喺我project制作上嘅事情，会尽量支持。”谈到他与女友的婚事令人等到颈长，他坦言﹕“多谢大家关心，（结婚）点都会系今年内嘅事，有新消息一定会公布嘅，唔会忍瞒。”

童年照劲可爱！苏韵姿自认系管家婆

应届香港小姐苏韵姿在无线处境剧《爱．回家之开心速递》中饰演刘丹细女“红衫鱼”，现实中的她却是家姐，有个比她细一岁的弟弟。在多伦多长大的她与弟弟感情要好，小时候因妈妈经常为他们衬衫出街，不时被误为龙凤胎。

苏韵姿在家中是个“霸气”姐姐，细路仔自己当大人，她笑说：“听妈咪讲，我两、三岁已经好锺意扮大人，见父母做咩就有样学样，见爸爸睇报纸食早餐，又学一餐，但就掉转咗份报纸嚟睇啰！”

年幼苏韵姿以为自己已长大，当弟弟是她的BB去照顾，就算妈妈喂完弟弟食奶，她也去厨房攞奶樽喂弟弟，令妈妈笑个不停。苏韵姿说：“有次去高级酒店食饭，妈咪同我哋讲去到要乖，我就当咗自己系大人，好恶话细佬，叫佢记得唔好嘈、唔好失礼我。嗰阵我其实得三岁咋，可能系由细到大对屋企嘅责任感好重，妈咪就笑我成个管家婆咁！”