七月结婚？王君馨自曝已签字！ 仔仔娶老婆 薛家燕豪送二千万豪宅

仔仔娶老婆！薛家燕豪送二千万豪宅

艺人薛家燕荣升奶奶，其30岁儿子石耀庭（Jackson）前晚在九龙湾国际展贸中心为女友Zoe炮制惊喜，将演唱会彩排改造成求婚骚，成功感动女友首肯答应求婚。薛家燕在现场直击求婚过程，透露自己亦睇得眼湿湿。眼见二人将成家立室，身为妈咪的家燕姐相当大手笔，准备厚礼送上市值2千万单位，供二人组织家庭，快快造人抱孙，她笑说：「我会将手上其中一个半山物业送畀佢哋，等佢哋安居乐业。」

适逢《世纪好歌金曲演唱会2》在九龙湾举行，薛家燕与有份演出的圈中好友青山、张帝、森森、斑斑，以及做嘉宾的徐小凤下午齐齐饭聚，一班前辈知道「世侄」求婚成功，都戥薛家燕开心。

讲到家燕姐正物色能够摆上百围的婚宴场地，一班老友记出计提议在同一场地（九展）举行婚宴，并自荐做表演嘉宾，免收歌酬当给世侄做贺礼，等于送上达2百万礼金！一班好友盛情难却，令薛家燕相然开心，笑言希望能尽快定好大日子，与好友分享喜悦！

许志安买外卖返归“喂”妻

歌手许志安（安仔）最近虽然忙于筹备国语歌，但身为“爱妻号”的他，日前晚上仍化身外卖仔买晚餐予老婆。当晚约八时许，安仔独自驱车前往大坑，下车后急急脚步往附近茶餐厅买外卖，见他落单后随即返回车上等待，当发现记者在场时，安仔笑笑口挥手打招呼，等了约十多分钟后店员便拿外卖给他，安仔即匆匆驱车走人返归喂饱老婆。

张頴康复活节带女碌龄享天伦乐

艺人张頴康同太太麦雅致生咗个可爱囡囡小豆，佢哋两公婆一有时间就会陪个女周围去玩。呢日趁住复活节假期，张氏夫妇就带埋小豆、林奕匡同未婚妻Rikko等人去咗碌保龄球，张頴康仲留言话：“复活节假期，和朋友聚会，小豆第一次打保龄！好开心！”

睇相见到小豆着住件黑色T-Shirt，件T-Shirt背面仲写住：“阿公超爱我”，真系好得意!不过可能小豆仲系细嘅关系，见唔到佢亲自“碌龄”，只系企喺度观战，不过见佢哋大合照时，小豆笑到眯晒眼，仲举晒V咁，就知佢呢个假期玩得好开心啦！

挨住嗰位系？朱韵韵露线头网民嗌Sexy

模特儿朱韵韵（Angel）曾被指与余文乐拍拖，不过自从乐仔与王棠云公开恋情后，Angel就终于可以摆脱嫌疑，乐得清闲！

Angel近日就趁天气好去野餐，当然唔少得甫番几张靓相派福利益吓粉丝，Angel着住吊带衫悠闲瞓喺草地，打出一截心口微露线头唔少网民都话好SEXY，不过有眼利嘅网民就话，Angel挨住个位可能系男士，唔知Angel系咪想暗示佢拍紧拖？

七月结婚？王君馨自爆已签字！

艺人王君馨于中午时分现身机场，她透露刚从马来西亚返港，出席其第四间分店开张仪式及槟城时装周。

对于姊妹苟芸慧踢爆她将于今年夏天结婚，君馨则扮傻谓：「夏天几好，依家仲谂紧，book紧地方，都惊啲人见到咁热会闹我。（姊妹团着泳衣？）你哋想囉！如果我着嘅话，爸爸同未婚夫都会唔系咁开心，到时会喺两地搞，依家都筹备得几好，就嚟决定到地方。」

王君馨表示香港场地预计要容纳到400人，故在拣场地方面也相当头痕：「今年入行10年，有好多想多谢嘅人，因为佢哋喺唔同阶段帮咗我好多，所以好想邀请佢哋一齐庆祝。」

问到苟芸慧指的夏天会是七月还是八月？君馨终忍不住漏口风：「八月会唔会好热？你哋到时会唔会着泳衣嚟？外地嗰个婚宴应该会系细型嘅私人派对，所以要准备得充足啲。（美国再搞婚宴？）谂紧，未必系三地，个budget容纳唔到。（依家同未婚夫一齐住？）佢依家住紧第二个地方，到结婚后先至一齐住。」

现场所见未见君馨她戴上婚戒，她自言大头虾怕整唔见，故暂摆放家中，更谓：「我签咗字啦，依家争行礼同摆酒。」

恭喜恭喜！