《大帅哥》张卫健造型大晒lang，又迷倒万千少女

相隔20年，张衞健（Dicky)重返无綫演五十周年台庆剧《大帅哥》，今日《大》剧试造型，焦点当然落喺Dicky身上，哗！Dicky呢个「大帅哥」Look似边个经典造型？畀3秒大家估，1...2...3...开估，咪就系1972年嘅电影《大军阀》许冠文所饰嘅庞大虎造型啰。

无论系个招牌光头、二撇鸡（鬍子）、同埋嗰套军服，Dicky同当年嘅许冠文简直就似孖生兄弟一样，原来许冠文当年拍《大军阀》系佢电影处男作，仲要牺牲剃头，Dicky今次呢个「大帅哥」Look，唔知会唔会再创经典呢？

为新剧狂推Job嗌肉痛

对于离开「母校」无綫逾二十年后回巢拍《大帅哥》，Dicky指角色由希望刮尽财宝的土王帝，后期发展到希望将所属地方变成一片乐土。问到Dicky可满意剧本？他说：「不如咁讲，未见过一个剧本一开始系完美，要一路拍一路调整，不过都满意嘅。（有没畀意见修改？）佢哋都希望我有啲嘢加入去，但未试过未拍就谂定晒啲金句，一路拍一路再度，希望到时灵感嘭嘭声。原本抱住玩嘅心态，但经过第一次记者会之后，没预期外间反应咁大，依家有啲压力，都要调适番玩嘅心态，太认真反而唔好。同埋依家开始有啲肉赤，公司话推咗好多job，我话再有推job都唔好同我讲，数字唔好讲喇，自己都钟意专心拍戏，拍戏嘅时候唔做其他嘢。」

孖蔡思贝洪永城合作感Fresh

谈到Dicky今次的拍档蔡思贝与洪永城相对比较幼嫩，他说：「蔡思贝今日系第二次见，几得意、几可爱！任何人都有一个开始，fresh嘅演员有可以比到啲fresh嘅反应，可能有啲惊喜嘅节奏，可以有啲不一样嘅效果。自己都钟意同新演员合作，好似以前同阿Sa（指蔡卓妍）合作都好开心，你都唔知佢会畀到咩反应，做戏没对与错。（洪永城叫你死猴子？）咁我一日做猴子，一世都系猴子，戏里面有好多男人戏，第一日同呢班兄弟接触感觉唔错。」

今次真系若要人似我，除非两个我喇～

Dicky好有气势！

光头同二撇鸡系招牌～

唔知Dicky今次喺新剧内会爆啲咩金句呢？

洪永城

蔡思贝

Dicky赞蔡思贝得意！

Dicky仲话希望孖住演龄较Fresh嘅蔡思贝同洪永城（右）有新火花。

劲型仔。

大合照

许冠文同狄娜当年演嘅《大军阀》纪绝对系经典！

Dicky难忘当年同阿Sa合作嘅《齐天大圣孙悟空》。

以上图文资料来自网络，如有侵权请联系删除，谢谢！