成功靠父干？她入行11年8年冇工开，半红不黑如今拍无线剧搏翻身！

现正热播的无线剧《我瞒结婚了》中，黄翠如身边有位老是常出现的女同事，原来是曾在黎明旗下做歌手的王歌慧（Emily）！

王歌慧（后排右四）和乐瞳（后排右三）都系饰演黄翠如同事兼好友，但相比起30岁的乐瞳，26岁的王歌慧竟然更加师奶味浓！

现年26岁、拥有33C身材的王歌慧，出生在杭州，曾就读协同国际学校，并于公开大学修读经济学系。

2006年，她巧遇黎天王，签约A Music，初时谂住做歌手，点知佢自己同黎明都觉得佢唱歌难听又冇天份，所以只系出咗两首歌，就冇晒下文。

王歌慧初入黎明旗下，曾有份拍摄黎明执导、卫兰主演的音乐特辑《缘邀知音》，饰演杜汶泽手下的神秘少女。

之后唱过单曲《听说》和《大话精》，仲租埋法拉利同林宝坚尼拍MV，不过连王歌慧都觉得自己唱歌难听，惟有转行做o靓模。

初入o靓模界的王歌慧青春无敌，唔介意大sell其33C身材。

2009年，王歌慧杀入《美女厨房》，挑战美少女厨神大赛，挟「黎明新女」之名，成功夺冠！

对住黄秋生、方力申等前辈，王歌慧一啲都冇怯场，玩得劲high！

同年王歌慧仲有份做光良《店小二》和《清水》的MV女主角。

虽然一直红唔起，但王歌慧同A Music一班同事都劲friend，同Janice Man、卫兰出入时都手拖手。

喺A Music冇工开嘅日子，王歌慧得闲就玩吓狗，或者入厨整吓蛋糕。得闲仲会打吓拳、做吓瑜伽！

到2012年，王歌慧开始拍港视剧，其中《惊异世纪》每集都有不同造型，每集都有惊喜，特别系女鬼造型，惊吓度爆灯！

着起女警制服的王歌慧，搞乜鬼咁似刘玉翠嘅？

其中一集扮大学生，其实拍摄时王歌慧都只系得22岁，扮大学生先系最入型入格！

另一集扮残爆护士look，认真大牺牲！

扮索秘书，一样得！

之后在《来生不做香港人》扮演社运女神Lennon，向陈巧文致敬，曾经在网上大热过，可说是王歌慧的代表作。

王歌慧同梁小冰做过唔少对手戏，梁小冰都大赞佢系「最有前途新人」，只不过系「新」足咁多年啫！

同年在《第二人生》，王歌慧扮演神秘少女Angel，做番靓女造型。

2012年拍完港视剧后，王歌慧近三年一直冇工开，直到2015年约满A Music，签约为无线部头合约演员，王歌慧开始做《无间音乐》主持，而拍剧暂时就只有《我瞒结婚了》和下月开播的《心理追凶》。

签约A Music八年，由16岁磋跎到25岁，一直冇咩工开，但王歌慧都感谢黎明赏识，大赞A Music系「重质不重量」。

不过冇工开就冇收入，多年来王歌慧都系靠在内地做生意的父亲俾钱供养，在A Music八年期间夹夹埋埋用咗屋企五百多万！

不过王歌慧对黎明都冇埋怨，曾经话：「Leon有开解我，佢同我讲，每个人都要等，人人都等紧运到，佢都一样要等。」咁依家拍《我瞒结婚了》多咗咁多出镜机会，算唔算时来运到？