陆汉洋隔空向苟芸慧示爱 吹神上身！陈奕迅同网民大玩你问我答

陆汉洋隔空向苟芸慧示爱：52099

娱圈「处女党」成员先后报喜，成员之一嘅王君馨（Grace）爆乳婚照亦都曝光，大日子将近！而最后一员苟芸慧（苟姑娘）都唔输蚀，与男友陆汉洋感情生活相当精彩！二人一直贯彻低调，但陆汉洋就突然一反常态，喺寻日嘅「520告白日」于社交网站大放闪光弹，留下一句：「52099」！

大家都知道520即系「我爱你」啦，咁「99」系代表乜？咪就系「苟苟」囉！「我爱你苟苟」咁sweet，真系闪到令人眼都擘唔大，而陆汉洋突然示爱都引来唔少揣测，莫非「处女党」最后一员嘅苟芸慧亦即将加入人妻行列？而两人都有接受媒体访问，陆汉洋豪无避忌大方承认示爱，佢话：「系呀，我系示爱！」而Sweet到爆嘅「苟苟」都忍唔住话：「我睇到，好Sweet呀！」真系隔住个Mon再隔住张图都Feel到佢哋有几咁甜蜜喇！

为港争光！彭秀慧勇夺外语片最佳导演

由彭秀慧自编自导、周秀娜和郑欣宜（Joyce）主演的《29 1》，在今届法国尼斯国际影展荣获四大提名，包括最佳导演（外语剧情片）、最佳原创剧本（外语剧情片）、最佳外语剧情片及最佳女配角（外语剧情片）。

导演彭秀慧及竞逐外语片最佳女配的欣宜日前已专程飞去尼斯参与昨晚举行的颁奖礼，电影公司老板兼出品人萧定一亦特别从康城赶去尼斯打气，结果彭秀慧击败12位来自世界各地的不同导演，勇夺外语片最佳导演，为港争光。

彭秀慧对于夺得外语片最佳导演殊荣，可谓喜出望外，她说：「好开心可以攞到呢个奖，喺一个国际电影节入面，《29 1》有四个提名已经系好大荣誉，更加开心嘅系今次得奖嘅时候，难得有好多人同我一齐出席颁奖礼，分享喜悦；由于Joyce有提名，我哋可以一齐坐、一齐紧张、一齐等公布消息。

最难得系当晚颁发好多唔同奖，宣布每一个候选名单时，见到全世界好多唔同电影被提名，每一齣都好犀利好有水平，所以我同Joyce都系抱住一个有得参与已经好开心嘅感想，尤其系外语片最佳导演被提名系有13个，自己真系冇谂过会攞，所以当宣布有奖时真系好开心。」

《29 1》屡次扬威影展，去年曾成《香港亚洲电影节2016》闭幕礼电影，美国《 Sedona International Film Festival 》荣获「导演评审奖：最佳剧本奖」、《大阪亚洲电影节2017》压轴大奖「观客赏」，以及入选克里夫兰国际电影节（Cleveland International Film Festival）。

吹神上身！陈奕迅同网民大玩你问我答

歌手陈奕迅（Eason）唔单只唱歌叻，而讲嘢都有一番见解，所以就畀大家叫佢做“吹神”。昨日Eason就一边整头、一边喺社交网嚟个网上直播，仲“吹神”上身大玩有问必答。Eason玩直播，网友当然就把握机会问Eason啦！

有网友问到放心、放松、放假、放空，Eason觉得边样最重要？Eason就觉得四样都重要，佢仲同大家逐一分析，自爆自己经常放空，啲人反而会以为佢谂紧嘢，其实佢喺到放空，觉得好正；至于放假，Eason都话好锺意，但系佢话放假通常要使钱，所以都系放空较好；而放心方面，Eason就觉得自己呢20年都系识放手嘅人。

最后放松，Eason指呢样其实系非常重要，不过佢指都市人好多都唔识放松，仲寄语大家要懂得放松，唔好畀自己咁大压力。而有网友问到佢接唔接受到天体营，Eason就话地方文化唔同，喺外国好多人会咁做，但系如果喺香港就会好奇怪，网友都留言Eason真系“吹神”上身，非常正，仲叫Eason直播多啲呀！

梁家辉结婚30年孖女晒童年旧照送祝福

影帝梁家辉同老婆江嘉年育有一对索爆孖女Chloe同Nikkie，佢哋不时更新Instagram同大家Happy share家庭乐。

昨日系江嘉年生日兼同梁家辉结婚30周年嘅大日子，孝顺女细孖Nikkie就喺社交网甫出童年旧照向父母送上祝福，至于大孖Chloe亦有晒出同父母嘅合照兼祝佢哋结婚周年快乐，相中见三人着上黑白亲子装似乎去玩，不过就唔见Nikkie踪影啵！唔知佢哋去咗边度玩庆祝呢？

劲惊切指！梁丽翘忍住痛影靓相

无线《东张西望》主持梁丽翘（Nicole）二月在美国与圈外男友结婚，其后返港复工，昨晚她在九龙区的酒店补摆喜酒与亲友分享喜悦，下午时份先与好姊妹庄思敏、庄思明、庄思华、彭慧中、刘晨芝及谢文欣在总统套房拍照，虽然期间Nicole发生“手指肿”事件而要入医院“抢救”，拍摄环节要腰斩，未能转场到餐厅继续影，但已拍下多张靓相。

众女打扮得雍容华贵与身穿婚纷的新娘Nicole合照，但她们都打扮密实，思敏及思明更以中性打扮，避免抢Nicole“峰”头。至于Nicole不期然流露出新婚冧爆笑容，华丽转身吹起婚纱裙摆一张相，感觉更是超飘逸，完全看不出正忍住手指痛，Nicole说：“只手指一路痛住咁影相，但之后愈来愈肿开始发紫，班姊妹见到都好紧张，我哋试过搽Cream、敷冰都除唔到只戒指，大家好似陷入一片恐慌咁，惊我只手指要废，又话要切，个个都好惊，我哋谂过好多解决方法，但因为我只系钻石戒指，唔系咁易切开，星期六又冇咩诊所，叫医生嚟又惊佢冇工具，终于决定我亲自去医院求医，好在个几个钟就搞掂，赶得切返去婚宴，但心情系影响咗。”

她笑言每次搞结婚的事情都有虾碌事，例如注册当日荡失路，在美国办婚礼则有兄弟买错菊花，今次就弄伤手指，但乐天的她笑言会向好方面谂，每次都有深刻事情自然更加难忘。