诗咏爆喊　洪永城力撑：不要再伤害她 徐濠萦自揭婆媳不和婚变传闻真相

诗咏爆喊洪永城力撑：不要再伤害她

33岁洪永城（Tony）同36岁唐诗咏拍拖两年半无奈分手收场，Tony出席活动时扮晒轻松，佢否认「被分手」，又自爆年初已经同诗咏分开。讲到诗咏被指另结新欢，Tony仲为诗咏护航。之后诗咏晚上喺西环拍剧，一度按耐不住情绪崩溃爆喊。

唐诗咏表示：「我只系喺一个生日聚会上见卢先生，张相系一个Annual Dinner入面佢搵我影嘅合照，喺嗰时我系完全唔识佢，佢只系一个普通朋友，喺我嘅感情生活入面系完全冇关嘅一个人，唔知点解有啲咁奇怪传闻出咗嚟，我亦都无办法去考究到，我都搵唔到点解。」说到此时她开始哽咽，她续说：「我好想讲系，睇到篇报导，你哋会讲好多，点解我会变咗一个贪钱既人，点解讲到我好似畀人包咁呢。」

说到这里她已按耐不住狂哭，她冷静一下后再续说：「我喺呢行都做咗十几年，我一直都用我既行动话畀大家听，究竟我系用一个咩嘅人生态度去生活。我好努力去工作只系希望大家可以睇我嘅作品去感动大家，我从来唔系一个贪钱既人，以前唔系，依家唔系，以后都唔系，喺我嘅世界爱情就系爱情，包括呢一样嘢，我觉得你地讲呢番传闻对我好唔公平，系好伤害性，同埋唔好再喺我嘅感情世界入摆好多唔同既人入去。」

洪永城再发文力撑诗咏，佢喺ig留言：「同诗咏一起的这段时间，我见证着（着）她的努力、为事业的付出，她所花的每一分每一毫，全都是她自己很辛劳的赚回来，希望大家不要再伤害她。失实的报导（道），亦希望从今天起远离她。」洪永城，有情有义真．男人！

靓靓大肚婆胡杏儿同阳光玩游戏

2015年下嫁圈外老公Philip Lee（李乘德）嘅艺人胡杏儿，日前就宣布成功造人，唔少嘅圈人都好戥佢哋高兴。而Philip今日就喺社交网站上载咗一张同老婆去旅行嘅靓相。虽然相中就未见到杏儿嘅孕肚，不过就见到佢企咗喺泳池边，而且身穿黑白间条嘅泳衣，仲戴埋太阳眼镜，果然做足准备去同阳光玩游戏！一班网友除咗恭喜杏儿之外，仲大赞佢劲似妙龄少女，一啲都唔似系准妈妈。

徐濠萦自揭婆媳不和婚变传闻真相

艺人徐濠萦（阿徐）为经理人兼好友郑绍康打响头炮，亮相由他主持的奇妙电视节目《天下第一Friend》做嘉宾，阿徐由A餐B餐、婆媳不和以至跟陈奕迅（Eason）屡传婚变等坊间传闻，一律有问必答毫不回避，非常畀面！

对于种种传言，阿徐淡然说：“成日话我哋分手、离婚，惯晒啦！咪由得人讲啰，时间系最好嘅证明，即管放长双眼！”阿徐自言和Eason都是绝少看报道的人，更不会将坊间传闻拿作话题：“好似A餐B餐咁，到依家我都分唔清自己系A餐定B餐，是但啦！至紧要系佢（指陈奕迅）拣啱咗自己嗰个餐，佢啱食咪得啰！”

至于传闻阿徐下嫁Eason时陈家曾大力反对，嫁入陈门后婆媳关系仍然恶劣，对此阿徐掩嘴笑道：“我哋结婚嗰阵米已成炊，包包（两人爱女）都已经岁几啦！仲反对？而且我同奶奶关系好好，佢成日买小礼物畀我，又会带朋友来铺头帮衬，咁我当然唔敢收佢钱啦！哈哈！”

讲到被指是大花筒，阿徐说：“咁要问陈奕迅啦！其实我又唔锺意买珠宝，又唔买名车，如果以强中弱来分大花筒，我只系适中啰！当然每个人把尺都唔同，至紧要系身边嗰个唔觉得你过份！”阿徐顿一顿笑说：“可能佢仲大使过我！”

回想当年跟Eason在华星年代认识，当年Eason寂寂无名，今时今日则成为歌神，阿徐说：“有时我哋都会攞番嚟笑吓，依家冇名嗰个系我，我只系Eason嫂！”阿徐表示最窝心是当年还在无线时，因为太不喜欢做娱乐圈，Eason好型地对她说：“你捞唔掂㗎喇！等我嚟啦！趁仲未搬入将军澳，好走啦！”阿徐爆笑说：“嗰年我27岁，就咁息影咗！”

阿Sa一个养全家堂妹英国留学都系佢供

艺人蔡卓妍（阿Sa)出席于中环举行的品牌开幕剪彩仪式，问到品牌是否送了很多手袋给她，她表示：“系呀，做完活动都有礼物收。（会唔会同妈妈分享？）会呀，佢会好开心，女人最钟意就系手袋、鞋同饰物。（唔系钱咩？）钱个个都锺意啦。”

谈到Sa妈是否潮人？她说：“佢系一个好朴素嘅人，有时会觉得我买啲款好夸张，所以依家都好少买嘢畀佢！”问是否储钱买楼？她说：“我好大支出㗎，楼、车、屋企人、狗仔、工人姐姐、阿嫲同埋要供我堂妹去英国读书，好贵呀。（家庭支柱？）细个都想去第二度读书，但当时屋企条件麻麻。而堂妹画画好，有艺术天分，唔好浪费！（要50万一年？）差唔多，我冇兄弟姊妹，堂都叫做亲，佢又细我好多年。（自己会唔会读？）唔系太想。（想嫁人？）都唔系呀，随缘啦！”

谈到年纪都唔细，她说：“真嘢唔好攞出嚟讲，自问都keep得几好，想搵多啲钱先。同埋佢啱啱先完Foundation，依家先大学，要供三、四年。”她同时表示小时候一直住在鸭脷洲，希望堂妹可以增长见识：“因为住喺鸭脷洲啲人通常都会留喺度，我唔想佢好似我咁，我想佢去第二啲地方见识多啲。（会唔会想探佢？）佢唔喺London，系再远啲，都好开心嘅见识其他地方，因为佢性格本身都内向。”

自爆畀人话好娘陈滢晒巨乳反击

艺人陈滢出席意大利时装品牌开幕活动，穿上低胸上衣及热裤，大晒性感又不失时尚感。她表示内里的白色低胸上衣由自己配搭：“我试过衬樽领同T恤，公司话好娘！（公司批准性感？）系呀，都系嗰句，全裸都试过啦！”问到夏天是否常以性感形象示人？她自言由小在外国长大，对衣着稍为性感无所谓。

至于今年会否再推出写真集？陈滢表现兴奋说：有谂呀，讲过套剧（《全职没女》）过30点收视就会出，不过收得28.2点争少少。（坚持冇30点唔出？）今年唔会住，希望下一套剧可以。